影片
更多
2021-08-22
84 瀏覽
有得飲酒嘅日子，真係要飲，暫時逃到那迷迷矇矇的半醉時刻。上網見到間串燒有得$168可以任飲清酒、梅酒，立即叫埋朋友一齊happy Friday！入餐廳就覺得好日本，因為掛滿哂日式旗仔做裝飾，扮下偽旅行都好～食物選擇都多，海鮮雞牛豬、炸物等等都有，貪心嘅人有福了！風味焗蠔四食 $99（圖中為兩份）：一份有四隻，有柚子醬、黑松露醬、明太子醬及蒜蓉四款口味各一件，風味各有不同，微微的酸、黑松露的香、明太子醬的creamy、蒜蓉的惹味，款款都各有特色。焗三式日本元貝 $78：有蒜蓉、黑松露醬及明太子醬，元貝都算鮮甜，不過我鍾意食蠔多啲。燒日本和牛粒 $36/串、燒牛舌 $38 /串、燒頂級牛小排串 $48 /串：牛肉選擇都好多，燒得剛剛好。燒多春魚 $48：一份有5條，多春又香口。蜂蜜魚腐燒 $25/串：入口有甜蜜蜂蜜味，同魚腐好夾。汁燒雞肝 $18：綿密無腥味，配搭甜甜鹹鹹醬汁。燒油甘魚鮫 $78：魚肉嫩滑肥美帶油香，外皮燒至香脆。燒羊柳 $20 /串、燒羊架 $38 /串：味道唔會太羶，可以一試。清酒煮蜆 $48聞到酒香，蜆肉脹卜卜，食落都幾鮮甜。燒日本雞泡魚 $38：每次去日式餐廳都會叫
有得飲酒嘅日子，真係要飲，暫時逃到那迷迷矇矇的半醉時刻。上網見到間串燒有得$168可以任飲清酒、梅酒，立即叫埋朋友一齊happy Friday！
入餐廳就覺得好日本，因為掛滿哂日式旗仔做裝飾，扮下偽旅行都好～食物選擇都多，海鮮雞牛豬、炸物等等都有，貪心嘅人有福了！風味焗蠔四食 $99（圖中為兩份）：一份有四隻，有柚子醬、黑松露醬、明太子醬及蒜蓉四款口味各一件，風味各有不同，微微的酸、黑松露的香、明太子醬的creamy、蒜蓉的惹味，款款都各有特色。
焗三式日本元貝 $78：有蒜蓉、黑松露醬及明太子醬，元貝都算鮮甜，不過我鍾意食蠔多啲。
燒日本和牛粒 $36/串、燒牛舌 $38 /串、燒頂級牛小排串 $48 /串：牛肉選擇都好多，燒得剛剛好。
燒多春魚 $48：一份有5條，多春又香口。
蜂蜜魚腐燒 $25/串：入口有甜蜜蜂蜜味，同魚腐好夾。
汁燒雞肝 $18：綿密無腥味，配搭甜甜鹹鹹醬汁。
燒油甘魚鮫 $78：魚肉嫩滑肥美帶油香，外皮燒至香脆。
燒羊柳 $20 /串、燒羊架 $38 /串：味道唔會太羶，可以一試。
清酒煮蜆 $48
聞到酒香，蜆肉脹卜卜，食落都幾鮮甜。
燒日本雞泡魚 $38：每次去日式餐廳都會叫一碟，佐酒一流。
野菜廣島蠔鍋 $98：飲完酒，當然要食啲熱嘢，鍋有肥美廣島蠔、菜、金菇等等，夠哂暖胃嘢。
麻辣牛舌 $48：份量比想像中多，當冷盤食，蘸少少秘製醬汁加添惹味。
燒鯖魚 $48：唔會燒得太乾身，口感較軟身。
燒菠蘿 $22：菠蘿燒一燒，甜味更突出，可以當甜品食。
任飲真係好抵，推介畀飲得之人！
柚子茶、檸檬茶 各$28：唔飲酒可以揀無酒精飲品，超大杯！
張貼
