影片
更多
2019-09-08
937 瀏覽
日期：2019/09/06人數：7人上星期五去咗銅鑼灣Outback食晚飯。我哋一行八個人，用獅子銀行信用卡嘅優惠，優惠就係逢星期一至五食美國斧頭扒套餐係有折扣。呢一餐我地其實都約咗好耐先食到，原因為之前我哋諗住去尖東嘅Outback, 但係原來係尖東嘅Outback食斧頭扒套餐係要預先book定的。結果上次食唔成，今次去銅鑼灣Outback食，原來唔洗book，所以終於食到啦。落完order之後，侍應就即刻奉上黑糖麵包。黑糖麵包一如往常咁軟熟，加埋軟硬適中嘅牛油，非常好味，必定Encore。之前都食過Outback, 但係今次係第一次試佢個湯，都夠熱夠濃幾好飲。套餐裡面嘅小食拼盤就以雞鎚最好食，好入味。成晚嘅重點就梗係美國斧頭扒啦。服務員將斧頭扒用車端上，俾我哋影左相先，之後再幫我地切細件扒，整齊咁上枱。斧頭扒好有牛肉味，配合海鹽一齊食牛肉味更加突出，非常正。套餐有兩個意粉可以揀，分別係香草蕃茄海鮮意粉同埋雞肉蝦寬條麵。我哋揀咗其中一個，再額外加多另外一個。個人覺得後者好食啲。個人覺得雞肉夾餅正正常常，冇乜驚喜。嗌套餐的話加飲品有額外折扣。我哋有人飲咗cocktail, 但我都係飲凍
人數：7人
上星期五去咗銅鑼灣Outback食晚飯。我哋一行八個人，用獅子銀行信用卡嘅優惠，優惠就係逢星期一至五食美國斧頭扒套餐係有折扣。呢一餐我地其實都約咗好耐先食到，原因為之前我哋諗住去尖東嘅Outback, 但係原來係尖東嘅Outback食斧頭扒套餐係要預先book定的。結果上次食唔成，今次去銅鑼灣Outback食，原來唔洗book，所以終於食到啦。
落完order之後，侍應就即刻奉上黑糖麵包。黑糖麵包一如往常咁軟熟，加埋軟硬適中嘅牛油，非常好味，必定Encore。之前都食過Outback, 但係今次係第一次試佢個湯，都夠熱夠濃幾好飲。套餐裡面嘅小食拼盤就以雞鎚最好食，好入味。
成晚嘅重點就梗係美國斧頭扒啦。服務員將斧頭扒用車端上，俾我哋影左相先，之後再幫我地切細件扒，整齊咁上枱。斧頭扒好有牛肉味，配合海鹽一齊食牛肉味更加突出，非常正。
套餐有兩個意粉可以揀，分別係香草蕃茄海鮮意粉同埋雞肉蝦寬條麵。我哋揀咗其中一個，再額外加多另外一個。個人覺得後者好食啲。個人覺得雞肉夾餅正正常常，冇乜驚喜。
嗌套餐的話加飲品有額外折扣。我哋有人飲咗cocktail, 但我都係飲凍檸茶。Outback嘅凍檸茶係無限refill既，所以我都好似飲咗四杯⋯
總結來講，銅鑼灣Outback食物質素唔錯，服務質素良好，環境唔錯，值得一試。如果冇折扣的話，個人覺得價錢有少少貴。
張貼
