影片
更多
2024-02-12
297 瀏覽
The Praya價錢💲: restaurant week ~$700/人好味程度😋: 4.5/5服務🍴: 4.5/5環境🗾: 4.3/5性價比🥢: /回頭率😚: 4.3/5-祝大家新年快樂、身體健康、食極唔肥、🐉年行大運🧧 新年梗係要同d長輩食中餐啦！龍年第一post的呢間新派中菜，望到海，菜式特別又好食，侍應服務好又熱情，招呼長輩一定唔失禮！呢餐已經係上次restaurant week食但都仲係印象好深❤️-✅✅陳年花雕醉蜆。d蜆好大隻，肉好飽滿。細嚼下會滲透出花雕酒的甘甜酒香，出色😍-🆗蔥油餅。呢個比較一般，有d油膩。但炸得好脆，口感就好似炸韭菜盒子咁。除左入面有蔥之外，面頭都有一大堆蔥白，增加蔥香。沾d 腐乳sour cream食冇咁乾又冇咁膩，呢個配搭都好ok😯-✅✅鳳肝金錢鱔。用白鱔取代一般用的冰肉，做到冰肉的肥美感覺，又多左一種爽脆的口感。油脂滿溢的白鱔加雞肝串起去燒，好蜜味，又帶燶邊，超級出色🤤配小小紅白洋蔥加墨西哥辣椒包住sourdough薄皮，將經典的金錢雞菜式完美變化🥹🥹-✅✅潮式滷水牛五味。有唔同部位，滷得好入味的。反而比起上來蘿蔔就比較普通。牛舌薄得來入味，牛筋
價錢💲: restaurant week ~$700/人
好味程度😋: 4.5/5
服務🍴: 4.5/5
環境🗾: 4.3/5
性價比🥢: /
回頭率😚: 4.3/5
-
祝大家新年快樂、身體健康、食極唔肥、🐉年行大運🧧 新年梗係要同d長輩食中餐啦！龍年第一post的呢間新派中菜，望到海，菜式特別又好食，侍應服務好又熱情，招呼長輩一定唔失禮！呢餐已經係上次restaurant week食但都仲係印象好深❤️
-
✅✅陳年花雕醉蜆。d蜆好大隻，肉好飽滿。細嚼下會滲透出花雕酒的甘甜酒香，出色😍
-
🆗蔥油餅。呢個比較一般，有d油膩。但炸得好脆，口感就好似炸韭菜盒子咁。除左入面有蔥之外，面頭都有一大堆蔥白，增加蔥香。沾d 腐乳sour cream食冇咁乾又冇咁膩，呢個配搭都好ok😯
-
✅✅鳳肝金錢鱔。用白鱔取代一般用的冰肉，做到冰肉的肥美感覺，又多左一種爽脆的口感。油脂滿溢的白鱔加雞肝串起去燒，好蜜味，又帶燶邊，超級出色🤤配小小紅白洋蔥加墨西哥辣椒包住sourdough薄皮，將經典的金錢雞菜式完美變化🥹🥹
-
✅✅潮式滷水牛五味。有唔同部位，滷得好入味的。反而比起上來蘿蔔就比較普通。牛舌薄得來入味，牛筋骨膠原滿滿又彈。仲有幾個牛腩的部位，有個係又軟腍又有牛香的。但個滷水汁係香但唔會鹹，同埋有啲花椒八角的香氣😆
-
✅✅鹹檸檬欖菜烤鹹鮮馬友。馬友厚肉，魚肉滑嫩緊緻🤩烤到魚皮脆脆，呢條魚本身就好好食👍🏻鹹檸檬醬汁裹係皮層上面，鹹酸鹹酸，有種懷舊感覺又清新d，係個估唔到的配搭！
-
✅照燒頭抽雞。三黃雞特別肥美，雞肉嫩滑，連胸部分都唔乾。豉油雞皮夠色水又夠味，上皮做得唔錯。
-
✅✅核桃費南雪配咖啡雪糕。費南雪烤得外脆內濕潤，充滿濃濃的核桃味😋 旁邊的咖啡雪糕好creamy好rich，一齊食好似飲緊杯咖啡+食緊個小點心咁。
-
✅✅薑汁蕃薯蛋捲。rollcake裏面包住cream、蕃薯蓉，仲有淡淡薑味，好似食緊一個變奏版的番薯糖水。蛋糕捲濕潤加埋天然番薯蓉甜度都唔會太高。個人就幾鍾意🤭
-
好滿足！連麻麻地中菜的朋友都覺得ok！同埋都有輕輕試過佢哋的cocktail，有啲花香都好好飲🤩侍應好熱情，服務好好。
張貼
