甘味讚岐手打烏冬 (已結業)

以屋邨商場嚟講，沙田第一城都幾旺，每次嚟開呢頭都見間間餐廳都要排隊等位。好多餐廳紅日都唔提供午市優惠，例如同場嘅元氣、味千等就無提供套餐，於是乎順理成章選擇咗呢間烏冬麵主食加餐飲盛惠$60，凍飲另加$3。以日本菜而言配搭有啲奇突，譬如我點嘅呢道麻辣湯烏冬配麻辣雞，感覺似中非日麻辣湯香辣惹味，烏冬粗身彈牙，掛汁力唔錯，每條烏冬都蘸上湯底嘅辣香。雞粒加入洋蔥伴炒更香口，肉質結實飽滿，入口唔肥膩，份量都算幾多，作為午餐一定夠飽。