東南亞料理研究所 (已結業)

今晚同朋友黎到東南亞料理研究所聚餐🇹🇭🇻🇳🇸🇬餐廳唔算好大 裝修富有現代感 感覺都幾舒服今晚我地試左好多款野食 好多款都好睇又好食😋黃咖喱海鮮農夫包 絕對係必食推介🍛平時嘅農夫包都係圓形 但今次哩個竟然係長條形入面有青口、吊桶、蜆、蟹籽、蘿蔔、薯仔 非常足料麵包點咖喱真係super match！🍞乳酪香茅魚露炸豬腩肉 都係必試推介🐷豬腩肉脆而不膩 點埋鹹蛋黃醬 邪惡到爆炸但好好食😍泰式美極蒸日本魷魚🦑美極撈飯好味就細路仔都知不過美極蒸魷魚真係第一次試😧真係估佢唔到咁鮮味 好有衝動想嗌碗白飯🍚喇沙葉椰青水煮蜆🥥蜆肉大隻又彈牙 味道都幾清甜不過因為椰青水味道較淡 所以好食但唔算好特別沙茶醬豬肉蓋麵🍜哩個麵嘅麵質好彈牙 有咬口係我鍾意嘅類型😍沙茶醬味濃 用黎拌面夠曬惹味🥰.藥膳麻油浸春雞🐥雖然係春雞 但哩隻雞真係好大隻😂雞一上台 就超大浸藥膳味冬天食完真係暖笠笠啊甜品方面 我地揀左班蘭蜜糖厚多士 配椰子雪糕多士外脆內軟 有好香嘅班蘭味雪糕椰子味濃郁 暖笠笠嘅多士配凍冰冰嘅雪糕一凍一熱真係perfect match❤️私心推介係泰式奶茶沙冰真係同泰國間奶茶店一樣味㗎！飲完涼透心😋