Give Me 5 (已結業)

Give me 5🥩環境舒適聚會好地方💕晚市二人套餐（連加一） $440羅宋湯配麵包條羅宋湯係比較濃蕃茄味🍅感覺比較酸，麵包條非常香脆鮮蝦雜菜沙律🥗雜菜爽脆，配上去咗殼嘅鮮蝦🦐，同埋芝麻沙律醬，係一個幾清爽嘅沙律🥗澳洲肉眼扒（八安士）配野菌汁🥩肉眼扒幾有肉香，表面煎得非常香脆，肉汁豐富。有薯蓉同埋少少沙律作配菜，中和肉眼扒嘅油膩🥩帆立貝黑松露野菌意大利飯🍚幾欣賞呢個意大利飯，米粒非常煙韌，而且係一個忌廉味幾重嘅飯。帆立貝燒過，加上少許鹽同黑椒調味。特別鍾意佢嘅菇幾Juicy👍🏻藍莓🫐芝士餅🍰配雪糕球成個晚餐配上甜品作結非常滿足，雪糕球味道分別係芒果同埋香芋。藍莓芝士餅正正常常，但有埋雪糕絕對係加分位😘飲品方面叫咗七喜同埋凍檸茶🍹環境方面，餐廳有非常大嘅空間同埋座位，旁邊仲望到街景🌌，算係一個幾有情調嘅地方。食物質素方面，小編覺得雖然唔太多選擇，不過絕對符合大多數人嘅口味。而且餐廳晚上總會有自助餐，有凍海鮮🦐同埋串燒任食都係一個吸引嘅地方。最欣賞佢哋所有嘢食都非常熱，全部都出晒煙😂係即叫即整，令到小編好放心👍🏻總括而言，呢間餐廳坐得舒服，而且有唔同嘅選擇，幾適合情侶，閨蜜慶祝特別日子黎嘅