影片
更多
2023-08-03
43 瀏覽
餐廳：Green Waffle Diner地點：中環擺花街（可以用長扶手電梯上到荷里活道再向下行）菜式：西餐。主打不同口味窩夫，包括鹹甜口味。餐牌：其實唔止窩夫，仲有Smoothie Bowl，全日早餐，同多款其他早餐，鑊仔薯粒，沙律小食，意粉，意大利飯，三文治及肉類，班戟。飲品有咖啡或茶，果汁，鮮果沙冰特飲，有機花茶，冷泡花茶，特色奶昔，同酒類。落單用QR code。夏日鮮果沙律 $128 另加一夏日鮮果沙律係夏日限定，用隻大碗上枱。雜菜沙律做底，加上四粒芝士同鮮果（包括酸咪咪熱情果半個，紅肉火龍果，酸實士多啤梨同芒果，藍莓，奇異果反而好甜）。橄欖油另上。呢個沙律絕對係減肥首選！士多啤梨窩夫 + 煙三文魚三片 + 新鮮沙律 $134 另加一呢度有自選窩夫，先選窩夫口味，再選配料及醬汁，再加雪糕，逐樣加錢，好有彈性。士多啤梨窩夫$48，一客4x 6格，個窩夫熱辣辣上枱，外皮微脆而以軟綿綿口感為主，入面真係有好多士多啤梨，就咁食都可以。伴有一包牛油，枱上面都有楓糖漿自己落。當然建議加埋雪糕一齊食先最好食。煙三文魚三片$48唔太肥，每片上面加左一粒橄欖。新鮮沙律$38一大兜，係沙律雜菜加車
地點：中環擺花街（可以用長扶手電梯上到荷里活道再向下行）
菜式：西餐。主打不同口味窩夫，包括鹹甜口味。
餐牌：其實唔止窩夫，仲有Smoothie Bowl，全日早餐，同多款其他早餐，鑊仔薯粒，沙律小食，意粉，意大利飯，三文治及肉類，班戟。飲品有咖啡或茶，果汁，鮮果沙冰特飲，有機花茶，冷泡花茶，特色奶昔，同酒類。落單用QR code。
夏日鮮果沙律 $128 另加一
夏日鮮果沙律係夏日限定，用隻大碗上枱。雜菜沙律做底，加上四粒芝士同鮮果（包括酸咪咪熱情果半個，紅肉火龍果，酸實士多啤梨同芒果，藍莓，奇異果反而好甜）。橄欖油另上。呢個沙律絕對係減肥首選！
士多啤梨窩夫 + 煙三文魚三片 + 新鮮沙律 $134 另加一
呢度有自選窩夫，先選窩夫口味，再選配料及醬汁，再加雪糕，逐樣加錢，好有彈性。士多啤梨窩夫$48，一客4x 6格，個窩夫熱辣辣上枱，外皮微脆而以軟綿綿口感為主，入面真係有好多士多啤梨，就咁食都可以。伴有一包牛油，枱上面都有楓糖漿自己落。當然建議加埋雪糕一齊食先最好食。煙三文魚三片$48唔太肥，每片上面加左一粒橄欖。新鮮沙律$38一大兜，係沙律雜菜加車厘茄同青椒再加幾舊法包粒。調味係微量黑醋。
消費滿$680就可以申請做vip，之後再黎就有9折同有得儲分換野。 平日午餐時間超多人，一定要等位。原來呢度星期五六開到凌晨3點，適合玩到夜夜黎醫肚。過濾咖啡可以無限添飲。
張貼
