Grill'er 石燒扒專門店 (已結業)

近期流行食石燒牛扒， 之前通常淨係喺旺區先至有旺角尖沙咀銅鑼灣等等都有, 而家 大圍都終於等到有石板燒。 Grill'er 係 大圍積信街， 由港鐵站行過去大概五分鐘左右。 餐廳都係以先付款形式運作， 然後再等店員送牛扒上枱。 呢度款式選擇都幾多， 由美國肉眼， 安格斯肉眼， 日本黑豚， 到不同種類的海鮮例如日本刺身帶子越南虎蝦等等 都有得選擇。喺等牛扒上枱時可以先到自助區 飲湯食沙律與及預備白飯， 個價錢已經包埋， 大食嘅可以裝多幾碗白飯嘅碗湯，超值。 另外亦都可以去醬汁區自助混醬， 由燒汁，黑椒汁，蒜蓉汁，到千島醬 芥末醬 等等都有供應, 勁多選擇。羅宋牛尾湯 個湯勁多配菜，足料程度，真係啖啖肉，牛肉味濃，湯頭香甜，絕對值回票價。 米飯 有埋飯素提供， 珍珠米飯口感軟糯。 美國安格斯肉眼 300克嘅安格斯肉眼， 大塊到差唔多年個石板都唔夠放。 石燒方式最開心係可以讓自己烹調熟成度， 安格斯肉眼肉汁豐富， 肉質軟淋不韌。 日本黑毛豬鞍 除咗有牛扒之外店家亦都提供特色豬類以供石燒。 今次就揀咗日本的黑毛豬鞍。 黑毛豬鞍要畀多少少時間塊石去燒， 而這塊黑毛豬鞍最引人入勝之處