Häagen-Dazs

營業中

休息中

食飽中秋飯仲想食甜品，去左Häagen-Dazs食雪糕，叫左三球雪糕，今次要杯裝，$82一杯。口味當然係揀我哋最愛嘅夏威夷果仁同士多啤梨，另外試左比利時朱古力榛子，同焦糖脆餅。夏威夷果仁例牌最正，雪糕底又香滑而夏威夷果仁又多又脆，啲果仁嘅鹹味配甜甜嘅雪糕好夾。士多啤梨啖啖鮮果肉而且味道好天然。比利時朱古力榛子就較甜，朱古力味好濃，榛子味好似食緊金莎。焦糖脆餅嘅脆餅係脆架，同平時喺街出面食嘅已經腍左嘅脆餅唔同。杯裝雪糕球明顯大過窩夫餅嘅雪糕球，下次都係叫杯裝抵食啲。呢度有六個位，好彩嘅時候仲有得免費堂食。