Häagen-Dazs

營業中

休息中

餐廳：Häagen-Dazs地點：銅鑼灣時代廣場菜式：雪糕為左慶祝生日，提早訂左個雪糕蛋糕。海洋派對 (Large) $669蛋糕造型看似唔錯，有各種海洋生物、精緻貝殼同珊瑚造型朱古力。其實賣相比我想像中差，因為個圍邊居然係普通一張紙，而且個蛋糕底只係白色硬紙一張，個蛋糕面相對又比較少裝飾，空空地，因為個蛋糕大，裝飾顯得少同細，應該相應加返多d。蛋糕上既朱古力造海洋生物賣相顏色都可以，不過味道絕對係唔好食，特別係面頭塊藍色海洋朱古力。入面就係白色忌廉包住兩層雪糕。原本呢款蛋糕設計左雪糕口味係芒果雪糕同呍呢嗱雪糕，不過我地買個大，所以可以選兩款口味，同埋左右定上下分層！雪糕口味選左最鍾意既係新口味士多啤梨紅桑子馬卡龍雪糕同夏威夷果仁。士多啤梨紅桑子馬卡龍雪糕係士多啤梨雪糕拌入紅桑子軟心醬同粉紅馬卡龍，味道主要係士多啤梨同紅桑子味，滑溜兼味道唔錯，不過應該要多d馬卡龍先切合返主題。夏威夷果仁就一貫滑溜同有啖啖夏威夷果仁碎咬下。兩款口味我都鍾意，呢個配搭都唔錯，全屋人都鍾意。切完融得快，要快食。呢個價錢我期望個蛋糕會靚啲，呢個大蛋糕今餐6個人（包括兩隻雪糕怪）食就剛剛好。