影片
更多
2022-08-27
178 瀏覽
返咗呢份工差唔多三年，第一次同啲同事食夜晚飯，真係好慢熱。我哋一行五人放咗工分兩部的士去到山林道，先發現原來我之前都嚟過，主要去食生蠔嘅～不過對於我來講就有啲可惜lu, 因為我之前曾經突然間肝炎病發，攪到而家食嘢同飲嘢都要就住就住，特別係酒類同埋貝殼類食物，有啲掃興咁啦。不過其實我已經破咗例，總共都食咗成五六隻生蠔㗎！🫢佢哋白酒一支支咁叫，我一滴都冇飲過，連Cocktail都唔敢飲😩終於佢哋四條友飲咗三支白酒，我就淨係飲咗兩杯mock tail 乍😮💨算啦，其實我飲完酒個人都唔會舒暢，又會頭痛。但係試嗰兩杯mock tail，一杯就普普通通（薑+蜜糖+雪碧）一杯係奇異果🥝加雪碧+青瓜薄荷葉，反而呢一杯我覺得好fresh 幾好飲🤗佢哋叫白酒就可以+ $50要一打普通嘅生蠔所以總共我哋叫咗三打（好似話係random）細細隻有啲都幾creamy 😚😋佢哋另外每人叫咗一隻超級大蠔（又成塊面咁長）好似叫做青花瓷。（日本🇯🇵）好似要成$68一隻，仲要每隻有個label 雖然超級大隻我就真係麻麻哋，但係佢哋食完之後講到好爽口好鮮味，搞到我不知幾妒忌。🥺🥺佢哋飲咗酒真係放啲，大家嘻嘻哈哈食咗成三四個
我哋一行五人放咗工分兩部的士去到山林道，先發現原來我之前都嚟過，主要去食生蠔嘅～不過對於我來講就有啲可惜lu, 因為我之前曾經突然間肝炎病發，攪到而家食嘢同飲嘢都要就住就住，特別係酒類同埋貝殼類食物，有啲掃興咁啦。不過其實我已經破咗例，總共都食咗成五六隻生蠔㗎！🫢
佢哋白酒一支支咁叫，我一滴都冇飲過，連Cocktail都唔敢飲😩
終於佢哋四條友飲咗三支白酒，我就淨係飲咗兩杯mock tail 乍😮💨算啦，其實我飲完酒個人都唔會舒暢，又會頭痛。但係試嗰兩杯mock tail，一杯就普普通通（薑+蜜糖+雪碧）一杯係奇異果🥝加雪碧+青瓜薄荷葉，反而呢一杯我覺得好fresh 幾好飲🤗
佢哋叫白酒就可以+ $50要一打普通嘅生蠔所以總共我哋叫咗三打（好似話係random）細細隻有啲都幾creamy 😚😋佢哋另外每人叫咗一隻超級大蠔（又成塊面咁長）好似叫做青花瓷。（日本🇯🇵）好似要成$68一隻，仲要每隻有個label 雖然超級大隻我就真係麻麻哋，但係佢哋食完之後講到好爽口好鮮味，搞到我不知幾妒忌。🥺🥺
佢哋飲咗酒真係放啲，大家嘻嘻哈哈食咗成三四個鐘，食到人哋收工都唔捨得走
嗌嘢食又係，大家好似癲咗咁樣樣都想叫！
三個拼盤包括cold cut : 小食: 海鮮
人哋cold cut 會配埋芝士或者哈密瓜呢度就淨係Parma ham /Salami 🤨🤨🤨
小食拼盤就好似我哋平時叫嘅下午茶餐倒埋一碟，有雞翼、薯條、炸洋蔥圈同腸腸腸。我淨係覺得薯條🍟不錯，因為係我Favourite
至於個海鮮拼盤就有睇頭啲，不過質素都係一般啦，有開邊龍蝦🦞、翡翠螺、芝士焗帶子、小魷魚筒同埋芝士黑松露大啡菇。
第一round 食完到第二round , 叫左燒乳豬仔、雪茄蝦春卷仲有燒雞皮。乳豬仔同雞皮我都麻麻哋我只係淺嚐，（佢哋話乳豬仔好好食不過我覺得有啲肥，平時去飲食乳豬我都麻麻哋）雪茄蝦春卷就好明顯搞gimmick, 用一個寶盒裝住一盒雪茄咁,像真度好高，反而其中一個同事鍾意佢旁邊嗰啲木魚碎，食鬼晒😜🤪
成日話叫main course 但係結果全部都係頭盤， 再嚟一個白酒忌廉青口，又係我唔可以食太多嘅貝殼類，不過講真青口我都係好一般啫。所以我轉移視線食佢嘅蒜蓉包點佢嘅汁，基本上唔使食main course已經飽曬啦。
6 瀏覽
0 讚好
0 留言
張貼
