The Stadium (已結業)

今日同朋友仔食西餐，因為我地有壽星女，所以想食西餐開心啲，就決定出銅鑼灣行下街shopping 再直嚟食晚飯，最後行到SOGO個到就去食The Stadium。一入餐廳兩層裡面裝修得好有格調，門口就有人玩緊桌球，桌球後面就係吧枱，好適合成班朋友happy hours，行入去見到一排落地窗口既裝潢設計，可以一邊睇街景，一邊傾下計食下野，係一個打卡既好地點！先點咗併盤小食，乜都可以食少少，又多野揀，分別係火辣雞翼、炸芝士條、炸洋蔥圈、炸魷魚、雞塊...呢到嘅意粉都唔錯，我地點了蕃茄海鮮意粉！仲有大大粒帶子同大蝦添！我地點咗個夏威夷簿餅，個簿餅餅底脆脆地好有口感，即使加左煙肉都唔會太過咸，仲有少少既菠蘿甜味，同平時食落既夏威夷簿餅好唔同，唔錯😋。最特別既係佢地既甜品好靚好好味，有鬆餅，有雪榚等等，分量唔多，影相一流。對於中意食甜品既女仔黎講真可以一次過滿足晒所有願望。👍🏻