甜蜜蜜甜品專門店 (已結業)

厚福街真係食街，甜品舖都有幾間！友人揀左甜蜜蜜，真係揀得啱呀！有好多款唔同種類嘅甜品！👉🏻焗朱古力心太軟伴雪糕$64用左比利時品牌朱古力，非常香濃，一切開就有熱騰騰的朱古力流心湧岀，我中意佢個蛋糕唔硬又唔厚身，再配合雲呢拿雪糕，好滑，冰火交融就是最完美了！👉🏻椰皇海底椰燉鮮奶蛋白$62椰肉好清甜，d汁再連埋鮮奶蛋白好好味，而且真係好滑，微奶香，份量亦唔少！真係好推介！雖然環境比較狹窄，但食到好味嘅甜品都係令人開心幸福！