鳴橋燒肉料理 (已結業)

鳴橋 睇見喱度好評咁強勁，今日終於同朋友一齊黎試下喱間人氣爆燈嘅燒肉放題。 我地睇完啲order紙，最後決定加埋嗰$40升級。因為加左之後多好多貴價野食，好似羊架、虎蝦、同帆立貝嗰啲，都唔差嗰少少錢啦，當然要對自己好啲。 講番下質素先，有驚喜喎，放題黎計已經算係咁。虎蝦幾新鮮，都算爽口嘅，無咩雪味，叫左成打黎燒，咩本都回哂啦。其他肉類都無咩hea做，唔係嗰種用鬆肉粉乸到無哂口感嘅貨色囉。特別堆介牛肋肉、一口和牛同羊架。 蔬菜方面都唔錯喎，粟米同翠肉瓜就最得我歡心。因為燒完啲肉類，流出黎嘅油份同肉汁，係燒蔬菜嘅時候就能夠吸哂入去，再灑兩粒海鹽，令平凡嘅蔬菜都變得好美味呀。值得一提就係，喱度嘅爐上面放左張燒烤紙，令到燒野食嗰時冇咁易燒燶，而且抽氣都算ok嘅，冇咩油煙，燒完成晚都無嗰陣燒肉味。