紅蔥頭

營業中

休息中

講起High Tea, 諗起呢間餐廳嘅下午茶餐超抵食。小朋友放學著住校服仲有Discount添。「烤雞肉羅宋湯螺絲粉」羅宋湯做湯底味道更香，帶點黑椒味，螺絲粉唔會太淋，加入厚厚嘅雞肉，口感更豐富。「唐揚脆脆雞中翼配薯條」愈邪惡．愈好味外皮比一般炸雞更香脆，索索聲...雞翼都大隻，最重要裡面肉質夠嫩好Juicy「馬來咖哩豬扒飯」咖哩味好濃郁超惹味，撈飯超好食，加入豬扒同薯仔停唔到口...徹底食埋最後一粒飯+$6仲可以跟歐陸濃湯 同 牛油法包「草子莓莓 & 橙色派對」兩杯特飲味道同賣相都好好，唔會太甜，炎炎夏日透心涼。