飲茶 (已結業)

地下係精品酒店入口，裝修型格，餐廳嘅地方幾大，佈置似西式Tea House，現場一播放爵士樂，變成西式環境中式飲茶，可能希望迎合後生仔女。5:00pm嚟到，人唔多，所以唔算太嘈，呢度最吸睛嘅點心莫過於與卡通造型嘅包點，我都叫咗一客一籠八戒嘅包包，其實係叉燒包。老實講呢度嘅點心價錢真係幾貴，如果當去中式茶樓飲茶咁計，就唔係幾化算，不過當係一個英式嘅下午茶咁樣，飲下食下傾吓計，咁比食一件西餅飲杯咖啡嚟得較為特別。