Glasshouse (太古城中心)

營業中

休息中

食咗個$298的tea set，估唔到都幾精緻喎！第一層有龍蝦沙律，三文魚卷同埋鵝肝多士，有啲估唔到，雖然細細舊，都幾好食。第二層有炸蝦生菜卷，焗蔬菜撻，迷你牛肉漢堡同炸蝦。佢呢度係做東南亞菜，所以個牛肉漢堡有啲薑味，估唔到都幾驚喜喎。第三層係甜點，朱古力brownie正常味，士多啤梨mousse cake同奶凍都係椰子味嘅，嗰啲蜜糖珠珠有陣香味連埋椰子奶凍食都幾特別，但奶凍太實，口感差咗少少。藍色嗰舊估唔到係綠茶蛋糕，呢個淡口番少少都幾好食。馬卡龍係焦糖同另一舊疑似cream味，正常發揮。整體甜點偏甜，所以要提早叫定咖啡/茶，邊飲邊食比較好。咖啡都好飲，有層crema，好香。熱茶係breakfast tea。下午茶時間冇乜人，很清靜，就算叫杯嘢飲傾吓偈都唔錯，肯定舒服過Starbucks或者Pacific Coffee。我哋响Openrice app預先訂位，仲有七折，超抵！我哋都係即興去食，所以都係半個鐘前訂咋，方便。