影片
更多
2009-10-30
27 瀏覽
(1) 士多啤梨奶昔 = 賣相一般，士多啤梨漿大少，但味道唔錯。［好］(2) 冰鎮朱古力 = 味道唔錯，相比有冰嘅凍朱古力好味，但要加五蚊。［好］(3) 黑松露醬告拿魚蘑菇 = 賣相麻麻，啲吞拿魚好乾又好腥。(4) 千島醬PIZZA = 賣相麻麻，完全唔會覺得嗰隻係蜘蛛囉。味道就一貫水準。(5) 士多啤梨班戟 = 賣相完全唔得，唔知似乜。幾塊班戟厚過千層面，而且係唔熟嗰隻，再加咗啲唔知咩味嘅汁，濕淋淋，一入口即吐！(6) 木糠布丁 = 賣相普通，但味道唔錯。［好］原本成餐飯都冇咩問題，係個甜品"士多啤梨班戟"真係好唔得。我哋只係喺自己位傾計話唔好食，冇食到。有個女侍應行過聽到，好好人咁主動攞走碟嘢話同我哋跟跟(並唔係我哋要求)。點知轉頭有個惡相女侍應攞返同一碟嘢埋枱問我哋咩事。語氣同態度都唔好。我哋話佢知啲班戟好厚，好似唔熟嘅粉皮咁，唔好食。但佢竟然好似拗交咁話啲班戟係咁，只係雪過，冇問題。心諗，你想點呀？我又冇話投訴又冇話要換，只係你問我，我答你咋喎，你咁惡死做咩呢？之後佢仲串咀問換過木糠布丁比我哋，但我哋冇要，淨係叫佢攞走碟嘢就算。轉頭又有個副經理埋枱又問我哋咩事，不過佢態度好好多
(2) 冰鎮朱古力 = 味道唔錯，相比有冰嘅凍朱古力好味，但要加五蚊。［好］
(3) 黑松露醬告拿魚蘑菇 = 賣相麻麻，啲吞拿魚好乾又好腥。[差]
(4) 千島醬PIZZA = 賣相麻麻，完全唔會覺得嗰隻係蜘蛛囉。味道就一貫水準。
(5) 士多啤梨班戟 = 賣相完全唔得，唔知似乜。幾塊班戟厚過千層面，而且係唔熟嗰隻，再加咗啲唔知咩味嘅汁，濕淋淋，一入口即吐！[勁差]
(6) 木糠布丁 = 賣相普通，但味道唔錯。［好］
原本成餐飯都冇咩問題，係個甜品"士多啤梨班戟"真係好唔得。我哋只係喺自己位傾計話唔好食，冇食到。有個女侍應行過聽到，好好人咁主動攞走碟嘢話同我哋跟跟(並唔係我哋要求)。點知轉頭有個惡相女侍應攞返同一碟嘢埋枱問我哋咩事。語氣同態度都唔好。我哋話佢知啲班戟好厚，好似唔熟嘅粉皮咁，唔好食。但佢竟然好似拗交咁話啲班戟係咁，只係雪過，冇問題。
心諗，你想點呀？我又冇話投訴又冇話要換，只係你問我，我答你咋喎，你咁惡死做咩呢？之後佢仲串咀問換過木糠布丁比我哋，但我哋冇要，淨係叫佢攞走碟嘢就算。
轉頭又有個副經理埋枱又問我哋咩事，不過佢態度好好多。傾完佢仲寫低我哋嘅意見，自己走去廚房試食。
埋單走嗰時，其他侍應都有講多謝或者BYE BYE。唯獨嗰個惡死嘅女侍應，同我迎面行過咩都冇講但居然仲怒啤我一嘢。
我成日都去呢間PIZZA HUT食，都係第一次遇到態度咁差嘅侍應。如果下次再去再見到佢，我一定記低佢個名。
張貼
