影片
更多
2019-05-09
79 瀏覽
學韓文已一段日子，自覺開始流住韓國人嘅血，所以耐唔耐都要食返鄉下野，今日去睇利東街個地球，剛好對面就呢間韓食，所以順道食下。坐落見隔離檯客人拎住調酒師個shake shake壺係度shake,﹐咁過癮，即刻問下店員係咩嚟先。原來叫做Shake & Shake cocktail﹐係自己搖嘅，仲有3款口味。我一於唔執輸，叫返杯Hendrick's Orange。見人shake就好過癮，自己shake就有d驚shake到倒瀉晒，好彩，調酒初體驗都總算及格。可能因為杯飲係orange口味，幾易入口嘅，仲帶有少少成功感嘅味道，哈哈! 飲咗兩啖酒，就大食積上身，點咗兩樣野食…...傳統手工泡菜煎餅 - 有兩件，餡料有蝦、魷魚、洋葱、泡菜，係有厚度嘅煎餅，蝦同埋魷魚嘅份量都算大，可以整到煎餅唔乾，但又有小小脆皮，幾好食呀。蔚山燒牛肉伴野菜沙律 - 野沙律其實是一碗新鮮生菜、紫蘇、青瓜、甘筍及黄椒。而牛肉、菇、洋葱用鐵板上，一食就知道是用韓式的醃醬去製作，一貫韓式料理風格。食法是用生菜或紫蘇包裏著牛肉及其他蔬菜來吃。 餐廳裡仲有一d韓國人，我見佢地會另外叫多一兩個白飯，逐小包埋一齊食。店員好細心，送餐
坐落見隔離檯客人拎住調酒師個shake shake壺係度shake,﹐咁過癮，即刻問下店員係咩嚟先。原來叫做Shake & Shake cocktail﹐係自己搖嘅，仲有3款口味。我一於唔執輸，叫返杯Hendrick's Orange。見人shake就好過癮，自己shake就有d驚shake到倒瀉晒，好彩，調酒初體驗都總算及格。可能因為杯飲係orange口味，幾易入口嘅，仲帶有少少成功感嘅味道，哈哈!
飲咗兩啖酒，就大食積上身，點咗兩樣野食…...
傳統手工泡菜煎餅 - 有兩件，餡料有蝦、魷魚、洋葱、泡菜，係有厚度嘅煎餅，蝦同埋魷魚嘅份量都算大，可以整到煎餅唔乾，但又有小小脆皮，幾好食呀。
蔚山燒牛肉伴野菜沙律 - 野沙律其實是一碗新鮮生菜、紫蘇、青瓜、甘筍及黄椒。而牛肉、菇、洋葱用鐵板上，一食就知道是用韓式的醃醬去製作，一貫韓式料理風格。食法是用生菜或紫蘇包裏著牛肉及其他蔬菜來吃。 餐廳裡仲有一d韓國人，我見佢地會另外叫多一兩個白飯，逐小包埋一齊食。店員好細心，送餐還送上濕紙巾。這個新鮮蔬菜包裹熱食肉類嘅韓式食法，我向來都好喜歡，因為真係冇齋食肉咁飽濟。
呢餐飲飽食醉，非常滿意。
張貼
