和拉麵

營業中

休息中

大埔墟有好多不同的餐廳，各有特色，亦各有捧場客，而我非常喜歡食拉麵，今次就去左呢間喺大埔幾出名既日式拉麵餐廳。一入餐廳就知道我一定冇揀錯，裝潢同日本地道拉麵店差不多，而且除了拉麵，仲有好多其他日式料理，有炒飯、小丸子、串燒等等，好多選擇，而且所有食物賣相相當靚，好想點哂個menu~~濃豬骨湯拉麵個湯底冇得頂，非常好味，個湯底味道好啱，濃得黎唔會太咸又唔會唔夠味，好鍾意佢個瘦叉燒，好有咬口，好煙靭，除咗痩叉燒之外，仲有其他配料，例如：紫菜同木耳，紫菜好香，浸落湯底到索晒啲湯底再食好好味，木耳又好爽口，拉麵亦都好彈牙同埋拉麵可以掛係湯底味道好夠日式餃子餃子餡料非常豐富，一咬，有好多肉汁，加埋沾上餃子汁，味道更加好。完全估唔到大埔有間咁好食既日本餐廳，最驚喜係除左拉麵之外，仲有其他食物，仲要係非常好食，必定要再去食。