Via Quadronno (已結業)

好耐未去過ｉｆｃ，如果冇記錯，對上一次應該係兩年前既聖誕，跟ｃｈｏｉｒ黎表演。呢次，當然係同男朋友黎啦。要左個意大利飯，千層肉醬麫，軟心朱古力蛋榚同ｖｑ　ｔｉｒａｍｉｓｕ。意大利飯（唔記得個名）：飯粒粒分明，有咬口，白汁好濃，混入芝士，味道更香，菜亦新鮮，有少許菜青味，配合埋火腿，好食，侍應知我地ｓｈａｒｅ食，已經幫我地分好兩碟。千層肉醬麫：層與層之間既餡料好足，牛肉碎又多又新鮮，加上蕃茄同菇類，裡面同麫兩旁都有大量芝士，切時唔會太易散開，幾好。軟心朱古力蛋榚：蛋糕質地略嫌薄，但味道係好既，朱古力醬流左好多出黎，好鐘意配合埋雪糕一冷一熱既感覺，旁邊用朱古力整出黎既裝飾亦值得一讚。ｖｑ　ｔｉｒａｍｉｓｕ：好特別，用ｌａｄｙ　ｆｉｎｇｅｒ點完ｅｘｐｒｅｓｓｏ再點ｔｉｒａｍｉｓｕ黎食。ｔｉｒａｍｉｓｕ質地真係超滑，不過最後都係唔慣ｅｘｐｒｅｓｓｏ太苦，冇點埋一齊食。