INN - I’m Not Nothing (已結業)

今次約左朋友去左比較少人嘅地方，E-max嘅餐廳靜靜地食個飯傾下計。 I’m not nothing! 餐廳喺地下都好易搵，大大個INN標誌實搵到。餐廳都有幾多位，坐位分佈舒服，餐廳裝修係好適合打卡嘅地方。 其中主食我揀左鮮牛油果醬烤焗美國黑毛豬鞍扒，好大份，而擺盤亦好靚。牛油果醬鋪滿喺扒上面，牛油果醬冇加太多額外調味，好清新。同扒都幾夾，唔會搶哂豬鞍扒嘅肉香。黑毛豬鞍扒厚切，肉質彈牙而且好重肉香，旁邊再配左少少黃芥末醬，鐘意嘅可以配黎食。 仲配左沙律同翠肉瓜粒加薯蓉，食起上黎真係好夠份量。相信大食嘅朋友一定飽，細食嘅朋友可以考慮開心share~ 小食就叫左金文拔芝士肉醬薯條，$68黎講真係大份又好食份量都幾大份，面頭係大量嘅肉醬，調味適中，有茄汁酸甜加肉醬嘅香濃。薯條好脆，薯仔味都比一般薯條重！ 飲品叫左士多啤梨藍莓奶昔，帶少少微酸，質地唔算好厚身，都幾開胃~ 價錢相宜，環境都相當唔錯，靜靜地好舒服～