影片
更多
2022-11-16
44 瀏覽
選址iSquare25樓嘅霸王川莊，可以居高臨下飽覽維港景致，有靚景食物亦都出色，話係川菜但顧及唔同客人需要，亦有唔少唔辣嘅菜色，任君選擇。落座之後先由侍應為茶盅加水，以茶盅代替茶杯都係呢度特色，八寶茶十分足料，飲落有清新蕎麥香。揀咗麻醬雞絲粉皮作為今日嘅開胃菜，麻醬非常香濃，粉皮透薄掛汁力高，每啖都有濃郁嘅芝麻味。唔少人都推薦呢度嘅雙色小籠包，有原味同麻辣兩款，原味水準對辦，麻辣味令人驚艷，麻香恰到好處，唔止湯汁，連個肉餡都有辣度，食得過癮。平時食饅頭多數係拳頭大細，呢度一反傳統製成一口大小，口感煙韌，有啲似迷你麻糬波波。重頭戲片皮鴨水準中上，皮脆肉嫩，配有大量青瓜絲、蔥絲同京醬，任你點加都有足夠配料俾你用，認真大方。食完鴨最適宜食啲青菜解膩，浸煮水東芥就係個好選擇，加咗櫻花蝦湯底更顯鮮味。
落座之後先由侍應為茶盅加水，以茶盅代替茶杯都係呢度特色，八寶茶十分足料，飲落有清新蕎麥香。
揀咗麻醬雞絲粉皮作為今日嘅開胃菜，麻醬非常香濃，粉皮透薄掛汁力高，每啖都有濃郁嘅芝麻味。
唔少人都推薦呢度嘅雙色小籠包，有原味同麻辣兩款，原味水準對辦，麻辣味令人驚艷，麻香恰到好處，唔止湯汁，連個肉餡都有辣度，食得過癮。
平時食饅頭多數係拳頭大細，呢度一反傳統製成一口大小，口感煙韌，有啲似迷你麻糬波波。
重頭戲片皮鴨水準中上，皮脆肉嫩，配有大量青瓜絲、蔥絲同京醬，任你點加都有足夠配料俾你用，認真大方。
食完鴨最適宜食啲青菜解膩，浸煮水東芥就係個好選擇，加咗櫻花蝦湯底更顯鮮味。
張貼
