海街丼 (E-Max) (已結業)

又梨到Happy Friday食好野！今日去咗emax試一間新開未食過嘅日本餐廳，餐廳主打食丼飯。選擇吾多，有生嘅魚生丼，都有熟食嘅親子丼。呢區梨講食物價錢算貴，最平既丼都要$90另收加一，每個丼都有跟一個湯同小食，個有茶類飲品，有烏龍茶同綠茶揀，其他飲品就要加錢。我同同事分別叫咗海寶丼(並)同(上)，兩個嘅分別就係(上)丼多咗蟹肉。上菜都算快，等一陣就有得食。呢間餐廳啲飯食法幾特別，d飯本身無落壽司醋，分開上一碗唓喱醋比你伴飯食。個醋酸酸甜甜，同平時d壽司醋有d吾同。加左個唓喱醋之後都好夠味，可以吾洗加醬油。我個(並)丼上面有帆立貝裙邊、三文魚籽、章魚、蛤蜊、青瓜、不同嘅紅肉白肉魚生肉，全部都係切到一粒粒。小食方面，今日係醬燒茄子，上面有d木魚。同事個個(並)丼d餸大致一樣，係多左大半碗蟹肉絲。