Lockeroom Zoom Football Restaurant (山頂廣場) (已結業)

呢日去左山頂玩，真係好耐冇黎過。之前食過嘅餐廳好多都捱唔住執左🥲見到有呢間足球主題嘅餐廳，就去試下～～—————————𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 🍽 𝗧𝗮𝘀𝘁𝗲 :▐ 法國鵝肝和牛漢堡 $198▐每次menu上有呢個漢堡🐗都會揀😂漢堡牛肉juicy，鵝肝外焦脆內嫩，醬汁用左蛋黃醬令成個包更香濃🤤🤤配嘅薯條係厚切薯角，舊舊都充滿薯蓉非快餐食到嘅空心薯角😋😋▐ 台灣鳳梨冰島蝦堡 $138▐炸蝦餅大大塊好彈牙，青色醬汁似青蘋果味，加埋菠蘿片酸酸甜甜好開胃，連個包都鬆脆好味～～😋😋▐ 王林蘋果金寶芝士蛋糕 $88▐芝士味香濃，夾住粒粒玉桂蘋果，面頭灑上餅碎，比食蘋果金寶批更清新。即使食到好飽仲食得晒😋😋▐ 蜜桃烏龍茶 $40▐味道正正常， 有熱飲幾好。🌐𝗔𝘁𝗺𝗼𝘀𝗽𝗵𝗲𝗿𝗲 : 裝修以足球為主題，枱布、櫈都以球衣裝飾，展品櫃亦收藏不少足球產品，連杯碟都是餐廳特別訂製，非常有心思，足球迷黎到一定好開心😀🤵‍♂️ 𝗦𝗲𝗿𝘃𝗶𝗰𝗲 : 侍應服務親切有禮。💰 𝗩𝗮𝗹𝘂𝗲 : 以山頂餐廳而言消費不算高，裝修有心思，好適合一家大細黎食飯影相💕食物質素不錯，值得再回訪。