阿茶茶。館 (已結業)

之前聽聞朋友話薯片叔叔都嚟過呢一間飲咖啡，所以一直都好好奇，所以今日去開元朗，都入咗去一試，位置不難找，是在一個轉角位。餐廳裝修有格調，喺元朗舊區別樹一格，內部裝修也是文清格調，特別適合朋友聚會談天。作為一個漢堡迷，當然要試吓他們的漢堡。梅花豬肉漢堡＄82，晚上套餐會配一客餐湯、麵包和一杯飲品。麵包有驚喜，不是外邊餐廳一般的餐包，外型似法國麵包，識落軟綿綿，帶有少少鹹味，餐湯係忌廉湯，裏面有西蘭花，配上麵包非常不錯。飲品是紅桑子果茶，有紅桑子嘅酸味，甜到剛剛好，此飲緊一杯真的生果茶，而且飲到最後，會有一些紅桑子的渣。主菜終於上場，餐廳很貼心幫我將漢堡包分開一半，豬肉非常厚身，豬肉以香草調味，味道不像一般漢堡扒，低層芝士微微溶化，將整個漢堡錦上添花。配菜方面，有黑醋沙律，最特別的是有一片燒菠蘿，上菜時，菠蘿的香味已經湧出嚟，一口咬下去時，菠蘿汁會流出來，非常juicy。