Park café

8月2號一家四口悶悶地話出街食，因為有個5個月大既bb仲吃緊人奶，所以出街食都要諗去邊。最後，大仔話去食buffet，咁我就膽粗粗book左呢間唔算貴既自助餐。一入到去，環境都算舒服。我帶左bb車，所以問帶位有無d位可以放埋bb車，當日平日唔多人，有好多位可以選擇。其中一位服務員見我手抱住bb，主動上前問我要唔要熄細少少冷氣氣。好既服務就係要夠主動！呢到要特別嘉許俾呢位服務員。野食方面，講真，款式唔多選擇，有最基本嘅魚生同海鮮各三四款左右，有熟食，有甜品區，味道不過不失。食食下bb要餵奶，於是我同當日總理講，佢安排左間房俾我餵bb。呢個嘉許亦都要俾返當日當值總理，所有野都安排妥當。