C.P.U. Cafe (已結業)

有次無意之中行開K11既CPU，發現佢地有間頗隱蔽既CPU Cafe😲行到盡頭就會見到。首先黎個健康之選羽衣甘藍牛油果藜麥沙律，擺盤精美，營養又可口。忌廉蘑菇菠菜長通粉超級好味🥺，忌廉香滑唔膩，蘑菇應該預先腌好好香好好味，特別鍾意長通粉口感夠al dente，一啖一啖放入口好滋味。墨汁海鮮意大利飯同樣出色，有多款海鮮配料，意大利飯口感煙韌，墨汁鮮味令我感受到海洋的味道，亦唔會食到滿嘴黑色。燒春雞大概係其中一樣受歡迎菜式，雞皮燒得薄脆，肉質超級嫩滑，沾上醬汁更好味，配菜亦有露荀、翠玉瓜、紅蘿蔔等，顏色配搭得好靚。$68食到自家製蘋果批可以講係超值，批皮薄而酥脆，酸酸甜甜的蘋果整好有助解膩。