山翠熟成牛料理 (已結業)

咁啱去開K11睇展覽，就順便喺K11搵下有咩食。見到呢間慢煮既餐廳，就同朋友坐低左食野。店入面當眼處放左個熟成櫃，放左好多唔同既肉。座位都幾好坐，去果日唔算好多人，幾好坐幾舒適。同朋友叫左兩週熟成牛骨肉料理、七味燒熟西班牙豚肉料理、牛脷芯。牛脷芯：我冇試到，朋友話好好食，好腍好有肉味。兩週熟成牛骨肉料理：牛帶有少少煙燻既味，配合幾種唔同既配料同埋醬汁，一流美中不足係飯粒略軟。七味燒熟西班牙豚肉料理：豬肉有少少焦香，而且好腍，七味粉既味道都好突出，配合岩鹽非常好食！食物份量適中，我同朋友都好飽好滿足。比較大食既朋友淨係食主食既話未必夠，可能要加返個小食。想去既朋友可以考慮book左位先，七點幾八點左右會開始多人，有機會要等位。