蓮苑 (已結業)

好耐冇同媽媽行街了，難得今個星期日大家都放假，一齊去左尖沙咀shopping食飯。聽講呢間中菜幾出名，所以揀左黎食個lunch。🍚皮蛋瘦肉粥 配蛋黃鹹肉棕媽媽揀左佢既至愛 皮蛋瘦肉粥，午餐set仲配有鹹肉棕。粥底綿滑，皮蛋瘦肉幾入味。我平時好少食鹹肉棕，之前食過d糯米太硬味道又淡，所以對呢樣食物麻麻地。不過媽媽叫我食一啖就試下啦，點知今次有驚喜😂粽子熱辣辣，糯米飯一d都唔硬，蒸得軟身的。最重要係好大舊蛋黃呀😍😍蛋黃，肥肉沾上砂糖好正呀😋🍝京都炸醬鮮蝦雲吞撈麵雲吞好鮮味，撈麵煮得啱啱好，唔會太硬或太lum炸醬汁好多，就算唔倒湯配撈麵食都得👍🍰杏仁茶好香杏仁味喔🍰焗西米蓮蓉布甸係我最愛既中式甜品😉尋尋覓覓左好耐，唔係咁多餐廳都有西米布甸食架😭今次唔打唔撞終於食到啦😭其實個甜品係一早整好放係甜品display櫃，等叫起時就即刻翻熱。西米焗得熟之餘又唔會冇左本身既口感，中間仲有蓮蓉，無得彈😋😍按人頭收茶位費，後生男侍應幾好禮貌，每一次都自動自覺幫我地加茶👍