PARK Cafe (已結業)

納入狠狠懲罰系列原因 - 播歌、集會遊行派水、貼民主派區議員海報、響應罷工作為大埔人緊係要撐大埔黃店，呢間連 周庭都去過認證，呢個舖位近來都開咩執咩，希望大家可以懲罰到黃店可以長久生存。門口已經貼左成個大埔區既票投民主派既海報，總之你行過都會見到應該果區投邊一個，仲有幾箱水可以派，入面座位唔算多，平日黎都要等位。《蒜香白酒蜆意粉》($238套餐價）：唔駛諗可以叫套餐，除左主菜仲包埋意粉，有湯有野飲都係二百幾蚊好抵食，個磨菇湯超濃超足料，意粉一黎到已經聞到勁香蒜味，意粉濕度岩岩好，有淡淡既白酒味，蜆都有幾多隻仲隻隻有肉，唔似出面食咁甩頭甩骨，意粉仲伴上洋蔥同菇仔。《薄燒美國牛小扒》：等左一陣主菜牛小扒都黎埋，牛扒有成三大塊，每塊都勁嫩牛味都好出，不過稍為重手左少少有啲咸，底下仲有熱辣辣薯角超脆身。店名：PARK Cafe地址：大埔安泰路1號大埔廣場地下5號舖餐牌