La Kaffa (已結業)

今次同朋友去第一城，見到有La Kaffa第一時間把握機會帶埋佢試出名嘅全日早餐，今次叫咗博洛尼肉醬意粉、E2全日早餐、熱茉莉綠茶同埋凍荔枝紅茶。今次份全日早餐有法式多士、兩隻煎太陽蛋、沙律、茄汁豆、炸薯餅同埋兩種吾同味道嘅德國香腸。全日早餐果然冇令我失望，法式多士外脆內軟而且甜度適中，炸薯餅絕對香脆，德國腸已經好耐冇食，鍾意食腸仔嘅朋友一定會食到停唔到口，全個早餐都畀我一種好refresh嘅感覺。博洛尼肉醬意粉，肉醬用咗高級豬肉配上特製茄醬汁，特別香濃，再加埋意粉食，彈出唔同層次。之後飲番兩杯凍熱特飲，為依餐劃上完美嘅句號。