Texas Burger (已結業)

一向都好鍾意出旺角食新野，今次book左間Burger主題餐廳，仲order左個好得意既hurger!我地叫左份墨西哥軟殼蟹夾餅，揀左軟餅，夠晒鬆軟! 軟殼蟹係新鮮炸，所以好脆口，同個軟及配料好夾。主角係磚塊芝士牛肉漢堡，外型似Lego磚塊，仲要係藍色包，的確係打卡必選! 三塊車打芝士夠晒邪惡，再加埋牛肉夠晒足料，食落去啖啖肉，牛肉仲保持到肉汁，的確唔錯。另外加$66組合，有脆炸厚身薯條就冇得輸, 即炸薯條新鮮熱辣, 越食壞停唔到口~是日精選奶昔好好飲，係士多啤梨味奶昔再加埋忌廉面!另外叫左杯雜莓梳打同彩虹千層蛋糕，梳打ok, 夠解渴。