Cafe Siam (The Plaza ) (已結業)

放工去到中環行街，原來蘭桂坊有泰國野食架，呢間cafe siam係樓上嘅，座位唔算多，坐得比較親近，環境就比較暗幾好feel!一坐低就上左個蝦片，好脆好好食，呢個係免費架！叫左個椰清，個椰清上面仲印左佢個名添，不過就唔夠凍，佢好環保係用木飲桶呀！再叫左豬頸肉青木瓜沙律，青木瓜非常脆，好中意個咬口呀，而且豬頸肉份量都唔少，正呀！然後再黎一份烏頭，熱辣辣，勁多粉絲係面！而且好厚肉，份量勁足呀！當然都要叫個菜食下，菜就普通啦，冇咩特別。芒果糯米飯，好正好大碟！而且佢係有紫糯米同白糯米，好好咬口，好食呀！