影片
更多
2011-03-28
73 瀏覽
由日本地震到而家lunch都無食過魚生,壽司啦! d人話怕咩輻射喎 .. . 但我就忍唔住啦太想食啦. 再加上見到平時食開個間日本野外賣店寫住大部份食物已經由其他地方入口, so 唔理咁多啦食左先啦. 況且d專家都話要一次過食大量先會有事. . . . . 一於今日lunch約埋班同事們一齊叫外賣食... 多d人食多d野嘛 . . . 叫左好多野食吖 - 有3個便當飯 , 三文魚, 甜蝦, 鰻魚, 帆立貝, 蟹柳, 八爪魚壽司 . .. . 火龍卷 + 三文魚, 帆立貝, 海膽, 劍魚腩, 油甘魚刺身.... 等等...多到我都唔記得只係記得食咋 . . 哈哈 .... 最想推介同讚嘅係 劍魚腩刺身 同 便當套餐.先講劍魚腩刺身- 超級新鮮之外佢係頂級肥美, 入口會溶架~~ (即時肥左2磅肉)第二樣要勁推嘅係便當套餐 - $40有每日精選菜一款 + 什錦刺身+飯+炒野菜 , 嚟個便當係超有水準d剌身大約有4-5片到啦全部係厚切仲有成隻甜蝦添喎... 真係好抵咩都可以食d都只係$40到, 所以我成日lunch都係食佢架... 之從佢開舖到而家成為左我嘅飯堂lu佢大部份壽司同d刺身都o
一於今日lunch約埋班同事們一齊叫外賣食... 多d人食多d野嘛 . . .
叫左好多野食吖 - 有3個便當飯 , 三文魚, 甜蝦, 鰻魚, 帆立貝, 蟹柳, 八爪魚壽司 . .. . 火龍卷 + 三文魚, 帆立貝, 海膽, 劍魚腩, 油甘魚刺身.... 等等...
多到我都唔記得只係記得食咋 . . 哈哈 ....
最想推介同讚嘅係 劍魚腩刺身 同 便當套餐.先講劍魚腩刺身- 超級新鮮之外佢係頂級肥美, 入口會溶架~~ (即時肥左2磅肉)
第二樣要勁推嘅係便當套餐 - $40有每日精選菜一款 + 什錦刺身+飯+炒野菜 , 嚟個便當係超有水準d剌身大約有4-5片到啦全部係厚切仲有成隻甜蝦添喎... 真係好抵咩都可以食d都只係$40到, 所以我成日lunch都係食佢架... 之從佢開舖到而家成為左我嘅飯堂lu
佢大部份壽司同d刺身都ok架首先係新鮮, 其次係抵食夾大件, 佢個d刺身件件都好厚真係好有口感, 唔會薄ee食完都唔知自己食左d咩咁
唔讚嘅係個麵豉湯真係差d囉... 我咁耐只係飲過一次因為真係唔太好飲, 個樣麻麻地無色無豆腐最慘係唔夠熱嘛...!! 所以都無再番叫囉.
食物方面大致都算係咁, 咁嘅價錢食到嚟個質素真係唔錯, 好過佰x同康x個d壽司. 而且仲多好多款式添.
不過因為lunch時間太多人叫外賣啦... 人手方面真係做唔切成日好多人排哂長龍, 所以要早d叫定自己落去攞就好d. 如果唔係排得嚟都要食下午茶lu! 希望佢人手方面改善下唔好成日要我等咁鬼耐啦!
張貼
