影片
更多
2021-04-14
2648 瀏覽
冬天總係想食熱野，因此最近迷上左食壽喜燒😋壽喜燒有分關西風同關東風——關西風嘅壽喜燒係更接近鐵板燒嘅煮法，先將牛肉放係鍋上煎，再加埋沙糖同醬油作調味；而關東風嘅壽喜燒則先將湯底準備好，再放入牛肉同配菜去煮。繼上次去すき焼 森食完個非常好食嘅關西風壽喜燒後，今次就去左呢間位於銅鑼灣嘅華小料理屋食個關東風嘅壽喜燒❤️華小料理屋嘅sukiyaki lunch set只係$238，用嘅係A3級嘅和牛，有晒前菜、沙律、菜碗蒸、甜品等，價錢黎講都算幾抵。壽喜燒湯剛剛蓋過半熟嘅和牛，下面就係金菇、大蔥、豆腐等常見嘅配菜，無論係牛肉定野菜嘅份量都算幾多。先飲一啖湯，味道甜甜地幾好味😋牛肉嘅口感未至於去到入口即溶，但都已經非常嫩滑，油香十足，美中不足嘅係唔算好入味，牛味亦唔算濃。由於我冇幾耐之前先食完すき焼 森個咁高質嘅壽喜燒，呢個lunch set對我黎講唔算係好impressive, 但鑑於佢個價錢都平一半，所以都絕對係值得一試嘅水準😋
華小料理屋嘅sukiyaki lunch set只係$238，用嘅係A3級嘅和牛，有晒前菜、沙律、菜碗蒸、甜品等，價錢黎講都算幾抵。壽喜燒湯剛剛蓋過半熟嘅和牛，下面就係金菇、大蔥、豆腐等常見嘅配菜，無論係牛肉定野菜嘅份量都算幾多。先飲一啖湯，味道甜甜地幾好味😋牛肉嘅口感未至於去到入口即溶，但都已經非常嫩滑，油香十足，美中不足嘅係唔算好入味，牛味亦唔算濃。由於我冇幾耐之前先食完すき焼 森個咁高質嘅壽喜燒，呢個lunch set對我黎講唔算係好impressive, 但鑑於佢個價錢都平一半，所以都絕對係值得一試嘅水準😋
張貼
