九井食堂 (香港仔中心) (已結業)

如果想喺香港仔食壽司，選擇真係唔多，來來去去都係元氣或者大馬路一出嗰間日本野，但相對地都有返好耐歷史，而九井壽司算係呢一年先開業嘅新壽司店，無論環境格局，定係餐點種類都十分之多，不失為一個好選擇。呢度賣點之一，就係有類似薩莉亞嗰種無限添飲嘅飲品吧，每人$13，汽水咖啡茶甚至沙冰都係任飲！😀但繁忙時間通常都會限時，好似我星期日下午茶時段就限45min。我地2個人就叫左個定食set同散嗌左d壽司，價錢方面的確性價比頗高，唔使$100已經有8件壽司連天婦羅同茶碗蒸嘅set😋壽司質素正常，亦唔會話薄到透光，飯size亦正常，食晒個set都幾飽下。呢度有個火炙大滿足$65有5款好熱門嘅火炙壽司，海膽手卷都係$52，係加拿大海膽黎，甘甜得黎紫菜都keep到脆口。