上海佬蟹莊 (已結業)

個日行街經過，見到80蚊lunch set包前菜+主食+一杯嘢飲都幾抵食，睇返評價又唔差，mark down搵日試下。今日雖有幾陣風雨，唔影響出行，叮叮系杜老誌道停，直行上樓就到。菜款唔少，落單青瓜海蜇+排骨菜飯+豆漿。2分鐘后通知今日豆漿賣嗮，轉薏米水，15分鐘后上左一碟青瓜，問行過的侍應：海蜇系邊？冇一句sorry，凈系話“得”。又過幾分鐘，上菜飯，排骨唔夠酥，唔夠熱 。惟全餐亮點系菜飯，米粒均勻有香氣，菜色翠綠微黃。後補海蜇青瓜都好味道，可惜兜兜轉轉一大輪，冇嗮興致。