快樂．順景

營業中

休息中

近年都好少留食評，今次真係畀快樂順景搞到不快樂（好似上個差評嘅師兄咁）所以要勸予吓中上環食12點1點嘅打工仔唔想食個飯都係咁畀人煩就唔好嚟喇。平又唔係平，嘢食又普通，啲麵包擺正係垃圾桶隔離，膠都廢事畀直接走包。都算，食過半個鐘開始每隔兩分鐘分開問我哋枱上嘅每樣嘢仲要唔要。個款係：係呀擺到明趕你走㗎喇宜家吹咩有時真係見好就收啦。明顯只係差少少finish侍應around 10分鐘內竟然嚟咗我哋張枱問咗5次（3碟嘢兩杯嘢飲）😹精彩。（返咁多年工第一次遇到此奇景）最尾熱檸茶飲淨半杯佢問第5次真係到咗我底線，其實大佬覺得我杯茶仲可以飲幾耐呢？ 成餐飯我哋都只係食咗40分鐘，下次唔啱加個牌話繁忙時間用餐限時30分鐘吖不如👍🏻食附近平價餃子店都冇畀人咁催過，呢間新餐廳係幾威，當自己澳牛咁做，正。