Black Sugar Coffee

營業中

休息中

柴犬咖啡店，佢地係旺角東開店時已經開始幫襯架啦。當時係誤打誤撞入去幫襯嘅。都唔知道佢地係咁有名氣。 而家黃埔新開咗一間， 當然亦都要去幫襯一下啦。 下午12點，舖頭已經排曬長龍，本來諗住入去坐低飲杯嘢嘅我，都要即時改變主意，買杯外賣一路行一路飲。 唔同人都會欣賞舖頭唔同嘅產品，而我最喜歡佢哋嘅， 並唔係咖啡，而係呢一杯matcha dirty 啦。 Matcha tea價錢上呢我覺得就偏貴，$58杯， 但係飲落去係真係好好飲。濃厚嘅抹茶味並唔會好似一般咖啡dirty咁樣咁搶，咁苦。 反而一入口即刻有一陣好濃嘅抹茶茶香味，而唔會太苦澀。隨後牛奶嘅鮮甜同香氣，就會喺口腔中爆發，同抹茶結合， 真係一大享受。