California Pizza Kitchen (已結業)

假日Megabox都真係難搵位食野所以見到哩間餐廳咁多座位都快快拎位。現場都多人等候但好彩今次2個人，好快有位職員都有主動介紹是日推介，當日是秘製醬燒燒豬仔骨，由於話明推介所以都一試啦～之後叫左個香菌磨菇湯同新奧爾良鳳尾蝦意粉。首先，覺得假日職員唔夠，好多職員要四處協助，帶位，order，上菜都要做，所以人手唔太足夠。食物方面，個湯好香菇菌味，飲到由菇類攪拌到爛的粒粒，好飲！豬仔骨個汁唔錯，肉質都淋，切時都會骨肉分離。意粉個人覺得香草太多，唔太喜歡但相信有人喜歡濃味的。