日和号壽司料理 (已結業)

在Mega Box 睇完戲搵食，food court 附近有－間「日和號」，內籠幾大以列車為主題，車廂卡座很有特色。吸引我哋嘅係刺身、壽司半價優惠。😍仲有$1 野菜牛肉鍋打開。雖然份量比較迷你，不過鐵鍋熱辣辣滾住上都頗有誠意。壽喜燒湯底，野菜清甜✨手機落單，可以見到半價系列。急不及待先點了刺身三文魚腩，帶子，吞拿魚及油甘魚三文魚腩魚油超豐富，勁肥美，厚切口感特別正，令人想再追加。油甘魚正常發揮，帶子唔算好大隻，不過都新鮮甜美。再嚟就係軍艦系列～海膽軍艦雖然係半價系列，質素唔差，甘甜唔腥。吞拿魚蓉軍艦脂肪較低，吞拿魚魚蓉幼滑清爽。三文魚子軍艦放上滿滿嘅三文魚子，但略嫌唔夠鹹鮮。非常可惜出名嘅16吋三文魚壽司售罄半價壽司系列分別點了：醬油炙燒帶子🍣加咗木魚絲，仲有醬油香帶出鮮味。帶子🍣肉夠厚身，鮮甜😍三文魚🍣雖然唔係腩位，柔軟鮮味😋劍魚腩🍣中度肥美，抵食北寄貝🍣有鮮味，不過唔夠爽口芒果花之戀～鋪滿飛魚子，份量足。章魚小丸子即叫即做熱辣辣，滿佈章魚粒，美味可口！飲品，有很多款式都售罄檸檬梳打🍋喜歡用上鮮檸檬，感覺健康清新，梳打超夠氣！梅子青檸梳打梅子微微酸又有青檸嘅香，有氣勁爽。