隼 (已結業)

趁住放假去MegaBox 行街睇戲，行完運動用品的樓層再上就係小朋友嘅天地。買嘢、玩嘅同食都有🌟當中隱藏了一間以高速列車為主題的日式壽司店，門口仲有列車模型，吸引好多小朋友。身為大朋友嘅想食壽司都係唔錯嘅選擇。感覺非常親子，所以熟食壽司款式特別多！列車送遞壽司，速度非常高！🚄🚄三文魚手卷冇太大驚喜，三文魚比較碎但亦帶甜。三文魚子手卷三文魚子粒粒晶凝通透，有鹹鮮味，飯和餡料比例恰當。赤蝦壽司唔算好大隻，還好鮮味夠。油甘魚壽司有魚油香但厚切會去更加好囉～三文魚壽司份量細咗啲但肉質尚算甜美。北寄貝壽司肉質爽甜，小朋友嘅至愛。馬刀貝壽司非常爽口嘅馬刀貝，有鮮味唔腥。象拔蚌壽司象拔蚌肉質夠爽唔韌。甜蝦壽司中型嘅甜蝦，肉質夠鮮。軍艦方面都試咗數款：既然係海膽祭就梗係試海膽軍艦，雖然賣相唔係金黃色澤，食落甘香鮮甜，味道唔錯！👍🏻吞拿魚腩蓉軍艦雖然係魚腩，不過魚油香不足。炙燒帆立貝厚切帆立貝夠鮮甜！炙燒芝士蟹棒大大件蟹棒，炙燒過嘅味道特別濃郁😋👍🏻呢度嘅福袋壽司好似幾多款式🌟😋福袋吞拿魚腩蓉，腐皮唔會好甜，塞滿吞拿魚蓉，這個組合口味好特別。熟食方面：芝士年糕柔軟煙靭，包着半容嘅流心芝士餡料，非常美味。