影片
更多
2023-07-28
300 瀏覽
MEMOIR📍銅鑼灣登龍街28號永光中心17樓我同best friend都係7月生日嘅，所以我哋約咗聚下，食返餐好嘅。呢排我努力運動，而呢晚佢又唔太肚餓，所以我哋揀咗間喺佢公司附近幾有氣氛，而且好評滿滿嘅餐廳食晚飯。雖然只係單點咗三樣嘢食，但絕對係非常滿意嘅體驗！ 💰$148黑魚籽蟹肉牛油果塔配青瓜汁 🦀🥑🥒前菜我哋揀咗呢個好特別嘅黑魚籽蟹肉牛油果塔，因為我真係好鍾意食黑魚籽、蟹同牛油果，呢個塔一次過滿足晒我三個願望！個塔分咗三層，頂層鋪滿鹹香嘅黑魚籽，中層填滿鮮甜嘅凍蟹肉，而底層就係熟透嘅牛油果。個塔配上青瓜汁，除咗食到清新嘅青瓜味，仲略帶少少酸味，非常開胃。建議食法係用羹一下𢳂到落底，記得要𢳂少少青瓜汁，咁一啖食落去就會食到多層次又醒胃嘅前菜！ 💰$268芝士焗法國麵包蟹蓋配龍蝦汁扁意粉 🦀🦞🍝龍蝦？蟹？我全都要！蟹蓋我都食唔少，但真係第一次食一個長過我手掌嘅蟹蓋！先講吓個法國麵包蟹蓋先，佢足料到爆，芝士底下鋪住滿滿嘅蟹肉，但最surprising嘅位係佢有過一半都係蟹膏，無論係就咁𢳂嚟食，定係撈落扁意粉度食都非常滋味！蟹膏呈鮮橙色，蟹油唔多，但味道非常出眾，同蟹肉一齊食簡直就係享
📍銅鑼灣登龍街28號永光中心17樓
我同best friend都係7月生日嘅，所以我哋約咗聚下，食返餐好嘅。呢排我努力運動，而呢晚佢又唔太肚餓，所以我哋揀咗間喺佢公司附近幾有氣氛，而且好評滿滿嘅餐廳食晚飯。雖然只係單點咗三樣嘢食，但絕對係非常滿意嘅體驗！
[價錢 Price]
💰$148
黑魚籽蟹肉牛油果塔配青瓜汁 🦀🥑🥒
前菜我哋揀咗呢個好特別嘅黑魚籽蟹肉牛油果塔，因為我真係好鍾意食黑魚籽、蟹同牛油果，呢個塔一次過滿足晒我三個願望！個塔分咗三層，頂層鋪滿鹹香嘅黑魚籽，中層填滿鮮甜嘅凍蟹肉，而底層就係熟透嘅牛油果。個塔配上青瓜汁，除咗食到清新嘅青瓜味，仲略帶少少酸味，非常開胃。建議食法係用羹一下𢳂到落底，記得要𢳂少少青瓜汁，咁一啖食落去就會食到多層次又醒胃嘅前菜！
[價錢 Price]
💰$268
芝士焗法國麵包蟹蓋配龍蝦汁扁意粉 🦀🦞🍝
龍蝦？蟹？我全都要！蟹蓋我都食唔少，但真係第一次食一個長過我手掌嘅蟹蓋！先講吓個法國麵包蟹蓋先，佢足料到爆，芝士底下鋪住滿滿嘅蟹肉，但最surprising嘅位係佢有過一半都係蟹膏，無論係就咁𢳂嚟食，定係撈落扁意粉度食都非常滋味！蟹膏呈鮮橙色，蟹油唔多，但味道非常出眾，同蟹肉一齊食簡直就係享受！龍蝦汁扁意粉軟硬度適中，有少少龍蝦肉碎，鮮味十足。總括嚟講，如果你鍾意食海鮮，就必定要試吓呢個咁出色嘅意粉組合啦！
[價錢 Price]
💰$58
紐約芝士蛋糕 🍰
New York cheese cake份量比想像中細，鍾意食甜品嘅我覺得有少少唔夠喉。不過欣賞佢嘅cheese cake芝士味濃郁，甜度適中，口感幼滑。而且伴碟嘅sour cream同龍珠果都可以中和到芝士嘅膩，絕對係心機之作！
張貼
