空海 (已結業)

竟然於旺角有間有趣日式小店，鋪面打開門一眼睇晒，全場只得八個位，仲要係一張大枱坐晒，四個對四個，識嘅唔識嘅坐埋一齊，長枱會議咁，都幾東京小店風🚆whatsapp訂位時預訂咗個Omakase（廚師發辦）《空海盛》全蟹宴🦀🦀🦀前菜有枝豆、小甜薯&胡麻豆腐，份量同主菜有得揮🌰柚子蟹肉海老沙律，蝦頗新鮮，酸汁開胃🥗松葉蟹腳刺身（三足），相比日本食嘅，都有7成嘅🦀松葉蟹膏甲羅燒，呢個做得好，香、濃🍛，送飯一流，但當日淨食都唔係話超漏🔥野菜天婦羅盛合（當日炸爐有事，店長任我哋揀，咁改為海膽刺身囉😋鮮美嘅，睇相都覺啦）🍣磯煮鮑魚，食味與外表相符，好入味🐡松葉蟹肉+三文魚子+帆立貝丼飯，正路嘢，飯比一般食嘅硬，用咗唔一樣嘅日本米，特登嘅，咬口幾過癮🍱松葉蟹肉+蟹膏+三文魚子釜飯，呢個有驚喜，加熱後飯變軟身，較易入口🍛越前蟹湯，啲色水似好濃味，其實好清甜，估佢唔到🍵甜品柚子雪葩，清吓膩🍨各式梳打或汽水🥛店長服務非常殷勤值得一讚👍店內亦有一般menu提供👌