Wheatfield X 羅宋湯專門店 (MOKO新世紀廣場) (已結業)

重口味晚餐！星期五嘅晚上，估唔到呢間餐廳冇乜人幫襯，到六點幾七點，仲係得兩、三枱客人，生意麻麻，我哋食完今餐覺得啲食物調味重手左，應該試過呢次就夠，唔會再encore。秘製醬油撈麵套餐$85- 呢個撈麵套餐抵食過牛脷飯加餐湯、飲品。套餐有豬髀肉海派羅宋湯、手打烏冬、麻辣雞柳絲，仲有餐飲。首先講吓麻辣雞柳絲，辣到我冇左味覺，純辣味有少少麻，唔香，到最後都係辣到食唔落。醬油撈烏冬太鹹，烏冬口感煙韌彈牙，如果少啲醬油就好啦。羅宋湯都係偏鹹，勝在有蔬菜食下。鮮茄燴牛脷飯$88- 個人覺得其他冰室、茶餐廳食嘅鮮茄燴牛脷飯好味過呢度，蕃茄汁唔係太鮮茄，牛脷太薄冇乜口感，份量都唔多。餐湯及熱飲+$28- 牛腩海派羅宋湯雖然份量還可以接受，但係佢細碗過撈麵套餐個羅宋湯，感覺冇咁抵。牛腩肉質好乾，麻麻地。