Mr. K Pizza N Chicken (已結業)

有咩邪惡得過拉絲pizza？就係同一餐入面食埋炸雞，我稱之為終極肥仔餐。呢間新開嘅pizza店主打各款雙倍芝士夾心芝加哥薄餅同埋韓式炸雞，仲貼心地提供手套方便進食。𖦹 雙拼芝加哥薄餅：燒烤派對x蟹肉樂園 $235蟹肉樂園係有蜜糖薄餅邊加上大量水牛芝士，拉絲能力max；食落蒜香撲鼻，加上蟹肉蟹柳，以及清新的車厘茄。燒烤派對的BBQ sauce味濃郁，表面滿佈烤雞粒、紫洋蔥同埋得意的薯角，薄餅邊只係食到甜味黑糖味就唔太明顯啦。𖦹 蜜糖芥末炸雞 x 泡菜蛋黃炸雞 ＄218每款炸雞各有5件，全部都無骨啖啖肉，外層酥脆，肉質尚算嫩滑。蜜糖芥末醬甜甜辣辣，非常開胃；泡菜蛋黃醬甚具特色，十分惹味，如果醬汁均勻啲則更為理想。