影片
更多
2017-08-18
213 瀏覽
約咗人嚟到尖沙咀美麗華六樓嘅My Day，呢度係俾新人擺酒或舉行宴會嘅地方。如果無包場嘅話夜晚就會提供半自助餐，呢晚我哋就嚟試試。場內色調用淺綠同白色為主，佈置充滿西式婚宴氣氛。除咗大圓檯之外，亦有多張長方形檯。餐廳仲有戶外位，可以俾新人晌呢度舉行證婚儀式，而且仲有開揚嘅尖沙咀鬧市景。然後就睇睇自助區嘅食物，主要係頭盤同沙律，分別有薯仔沙律、紅菜頭沙律、辣肉腸長通粉同多款冷切肉，另有幾款生果、羅馬生菜、紫生菜、青瓜、車厘茄、粟米、黑橄欖、鷹咀豆、煙肉乾、烘麵包粒、芝士粉同四款唔同口味嘅醬汁，俾食客自己調配沙律。肉眼所見，當晚嘅冷切肉至少有五六款。餐廳提供嘅係半自助餐，其中一啲食物係限額嘅、一啲食物就可以去自助區任意享用。入面嘅主菜就係每人一份，價錢由二百幾至三百幾左右，其中兩款兒童餐就唔洗一百，另設加一服務費。海鮮拼盤，分別有龍蝦、海蝦、翡翠螺、松葉蟹腳同青口，數量方面係按人數發放。當晚嘅龍蝦幾大隻，翡翠螺肉厚彈牙，青口嫩滑，松葉蟹腳鮮鹹，其餘四款嘅質素唔錯，如果可以任食就好喇。另外，仲有麵包多士。自助區嘅冷切肉幾香口，我最鍾意加咗彩椒同黑椒嗰兩款。蔬菜都幾爽嫩，而生果類嘅菠蘿、哈密瓜
約咗人嚟到尖沙咀美麗華六樓嘅My Day，呢度係俾新人擺酒或舉行宴會嘅地方。
如果無包場嘅話夜晚就會提供半自助餐，呢晚我哋就嚟試試。
場內色調用淺綠同白色為主，佈置充滿西式婚宴氣氛。
除咗大圓檯之外，亦有多張長方形檯。
餐廳仲有戶外位，可以俾新人晌呢度舉行證婚儀式，而且仲有開揚嘅尖沙咀鬧市景。
然後就睇睇自助區嘅食物，主要係頭盤同沙律，分別有薯仔沙律、紅菜頭沙律、辣肉腸長通粉同多款冷切肉，另有幾款生果、羅馬生菜、紫生菜、青瓜、車厘茄、粟米、黑橄欖、鷹咀豆、煙肉乾、烘麵包粒、芝士粉同四款唔同口味嘅醬汁，俾食客自己調配沙律。
肉眼所見，當晚嘅冷切肉至少有五六款。
餐廳提供嘅係半自助餐，其中一啲食物係限額嘅、一啲食物就可以去自助區任意享用。入面嘅主菜就係每人一份，價錢由二百幾至三百幾左右，其中兩款兒童餐就唔洗一百，另設加一服務費。
海鮮拼盤
26 瀏覽
0 讚好
0 留言
海鮮拼盤，分別有龍蝦、海蝦、翡翠螺、松葉蟹腳同青口，數量方面係按人數發放。
海鮮拼盤
14 瀏覽
0 讚好
0 留言
當晚嘅龍蝦幾大隻，翡翠螺肉厚彈牙，青口嫩滑，松葉蟹腳鮮鹹，其餘四款嘅質素唔錯，如果可以任食就好喇。
另外，仲有麵包多士。
冷切肉
9 瀏覽
0 讚好
0 留言
自助區嘅冷切肉幾香口，我最鍾意加咗彩椒同黑椒嗰兩款。蔬菜都幾爽嫩，而生果類嘅菠蘿、哈密瓜同火龍果都幾香甜多汁。餐湯方面，呢晚係青豆湯，質感都幾creamy。
然後就上主菜嘅美國頂級肉眼扒，餐牌寫有十安士重，仲用露筍、炒雜菌、沙律同薯條伴碟，同埋跟咗黃芥辣、茄汁同燒汁點嚟食。
法式燒乳豬配法國血橙燒汁，伴碟嘅甘筍同加咗番茄醬嘅雜菜有解去肉類膩感嘅作用。
餐飲就揀咗熱檸茶，餐後飲幾消滯。
甜品拼盤
12 瀏覽
0 讚好
0 留言
食完主菜，侍應就拎咗一份甜品拼盤嚟，同海鮮拼盤一樣每款嘅數量都係按人數發放。呢個拼盤有啲似英式下午茶，賣相討好。
甜品拼盤
5 瀏覽
0 讚好
0 留言
甜品名係我憑外觀同味道嚟估，紐約芝士蛋糕、藍莓芝士蛋糕口感滑；布朗尼入面有榛子果仁，朱古力味濃郁中帶甘澀；綠茶蛋卷嘅綠茶味唔重，但口感唔錯；原味同綠茶曲奇細細件咁，都幾鬆脆。
甜品拼盤
15 瀏覽
0 讚好
0 留言
椰汁奶凍香滑；芒果布甸質感唔硬，幾唔錯；焦糖燉蛋甜味唔高；杞子桂花糕整到成個心形，味道清清甜甜；啫喱糖就色彩繽紛。
（附上影片，openrice要電腦桌面版先可以睇到）
張貼
