豚燻 (已結業)

成日寫食評一般只係好好心機咁寫好味既，唔好味或者好一般既就懶得寫。。。但其實唔好都可以叫大家唔好中伏， 就的起心肝寫啦，呢間拉面同一蘭係埋同一條街，但同一晚就得呢間要排，一蘭唔使喎，有極大期望去試。呢間鋪出名在於佢既拉麵豚肉有股煙燻香味，仲有佢香濃味噌湯，網上comment 好OK,我都諗佢會好味過豚王嫁～ 所以都唔介意等。果日排左20分鐘到就入等，人多既好處係一次就可以試所有小食。1. 鳥唐燒即係炸雞$38～ 大阪醬，好味係甜左少少2. 燻制半熟玉子$14～ 有煙燻味，但唔係半熟無流心效果，係95%熟咁滯，作為流心蛋控既我，覺得呢隻蛋唔合格呀。。。（豚王果隻好食好多。。。）3. 燒牛舌$68～ 得8小粒，8啖食完。。。好味但太少啦4. 煎餃子$38～ 正常，無咩特別到左主菜既拉麵，個招牌既味噌湯底俾比我預期中淡，豚肉有少少煙燻味，中規中矩既拉麵，仲要108。。。咁點解我唔排其他更好味既拉麵店？！