越南站餐廳 (已結業)

中午去到大坑食越南菜, 本來想去火車頭, 不過見呢間叫越南站都好似會幾好食, 於是俾佢截胡!食左碗特別粉同越南粉卷! 特別粉五十幾蚊一碗, 不過都幾大碗, 有牛肉, 牛展, 牛柏葉, 牛丸等全牛餸, 第一口係飲啖湯, 充滿了牛肉味, 不過味道偏甜, 白蘿蔔有三件, 淋身但係味道一般, 可能味道都出哂去湯度了! 牛柏葉都幾爽, 牛肉都幾好食, 不過牛丸就差啲了, 因為牛丸係好似去茶樓飲茶食山竹牛肉咁既質地, 我就唔鍾意了蒸粉卷一般, 皮比較厚, 餡唔夠香, 酸魚露味道太酸, 但係可以接受, 地方細少但佈置都幾舒服同乾淨, 都可以一試的!